Ma gardaadin waayaba sidiiqoow gabayadaydiiye
Waa taan ka gaabsaday murtiba gogol-dhigeediiye
Inaan gabay xilkaygii la mood maanse gaa-gixine
Geeraar hadii aan uur-koo gubtiyo gocasho kaa keenin
Ama caashaq guunoo ku helay
Kugu gabaaneynin
Ama geel lagaa qaaday iyo godob laguu geystay
Gundhigeeda xaajada hadaan laga garaabaynin
Garnaqeeda doodaa hadaan guurti lala raadsan
Gadh-cas iyo hadaan ninkii geesi ahi talada goynaynin
Hadba Inaad gebi-dhacleysaa waa gawaan-dhabade
Gil-gishaye habeenaba wixii gama,a ii diiday
Sida Aar gantaal loola galay geedkuu hadhinaayey
Waxa gooha iigu wacan hadaan idin gar-waaqsiiyo
Gooli-baadhka wuu ila yaqaan abwaan gaase-bixiyaaye
Gaawaha u qabo hadaan soo godliye oo gorofku daadin
Midnimadan lala gudaayiyo gefkaan geedba lagu waabin
Shantaan baadidoon ku galee darteed godobtu ii gaadhey
Garaadkoodu waa kii gambiyey
Doraad gaawahaan culaye
Ninka weli la goobyaalayow gocosho beenaale
Nin galaday libaaxuba waa og-soon iyo godob ninkii baanay
Mar labaad gondaha inaad heertaan haw gunuunicina
Garashaan u leeyahay xadhgahaad hoos ka gunudeen
afartaa intaan soo gimgimey gole ma soo taagey
Gedii faarax nuur iyo carabey ma u giraan-gireyey
Gufaacooyinkaygii horaa geed-labka lahaaye
Gef intaan ka gaabsaday murtida geydh ma abaaray
Ma gaadhsiiyey abwaan garashiyo gabeyga loo daayey
Gurigiisu ninkuu gubanayee mid kale gibil la doonaaya
Garanwaayey Gabal inuu u dhacay gurigana oodaaya
Garaadkiisu nimuu fooraroo xil-gabay geedna hadhin waayey
Gabaygiisu nimuu toosanyoo geel u dhalay galaba haaneeda
Geeraarka beenta ah inaad ula gashaan maanka geli mayso
Gacantaagu reer koonfuroow waa dabku ha gaadho
Ninka weli raad-goobayoow midnimo haw goleynina
Ka guyayste maantaba dadkani
lala galuubnaa
Gobanimay wada nool yihiin
Waanad garanayne
Guurtibaa ka talisoo geyigan
Axmaar nooma soo galo,e
Geediga waxaan u heensaynaya
Inaan dunida gaadhnaa
afartaa intaan soo gimgimey gole ma soo taagey
Gedii faarax nuur iyo carabey ma u giraan-gireyey
Gufaacooyinkaygii horaa geed-labka lahaaye
Gef intaan ka gaabsaday murtida geydh ma abaaray
Ma gaadhsiiyey abwaan garashiyo gabeyga loo daayey
Gudbiyaha doodan.
Mohamed Mahad Muhumed
Gar-naqeeda.
Inta garaadkooda murtidu ka godlato.
